:::: MENU ::::

Pellet berokuntza sistemak

Bere tamainari eta forma zilindriko eta lauari esker, pelletak fluido baten antzeko portaera du eta, hortaz, erregaiaren mugimendua eta galdaren karga automatikoa errazten du. Garraioa zisterna-kamioietan egin daiteke, pelletak kamioiotatik zuzenean sistemaren biltegiratze depositora ponpatuz. Honela, pelletaren energia dentsitate altuak eta garraiorako erraztasunak landare-erregai egokiena egiten dute tamaina guztietako berokuntza sistema automatikoetarako.


Osagaiak

Pellet berokuntza sistema batek ondorengo osagaiak ditu:

  • Galdara
  • Pellet biltegia
  • Pellet alimentazio sistema
  • Erregulazio zentralita
  • Inertzia metatzailea eta komuneko ur berogailua


Funtzionamendu oinarria

Pellet galdarek hurbil izan behar dute erregaia pilatzeko biltegi bat. Biltegi honetatik, torloju amaigabeko alimentatzaile batek, galdarara eramango du pelleta, errekuntza egiteko. Erregailuek pelleta erretzen dute eta sugarra galdarara sartzen da, gasoleo sistemetan gertatu ohi den bezala.

Automatikoki pizten da; oso azkar, gainera. Erabilterraztasun eta automatizazio ezaugarri hauek pellet berokuntza sistemei erosotasun maila handia ematen diete.


Segurtasun sistemak

Erregailuaren sugarra biltegira itzultzea ekiditeko gailuak dira pellet galdararen segurtasunerako funtsezko elementuak.


Pellet galdara baten instalazioa

Potentzia txikiko pellet galdarek edukiera mugatuko erregai biltegia izaten dute. Sistema sinpleetan biltegi hau eskuz kargatzen da pellet boltsen bidez. Kasu honetan, funtzionamendu autonomia egun gutxikoa izaten da.

Autonomia eta, honenbestez, erosotasuna handitzeko, biltegiratze silo bat prestatzea komeni da, zisterna-kamioitik zuzenean kargatzeko.


Erregaia

Pelleta hainbat formatan dago eskuragarri merkatuan:

  • 15 kiloko zakuetan
  • Soltean, biltegiratze silora zuzenean bonbea dezakeenzisterna-kamioi berezi batean garraiatuz.
    Sistema hau gasoleo hornikuntzarako erabiltzen denaren antzekoa da, eta bere azkartasun eta sinpletasunagatik pellet berokuntza sistema guztietarako egokiena da.

PELLETAREN PREZIOA: 215€ + IVA kamioian
(1 tonelada) 235€ + IVA zakuetan

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.más información

Top